Зараз у Новым замку працуюць пастаянныя экспазіцыі і часовыя выстаўкі. Экспазіцыя “Новы замак. Падзеі і лёс” знаёміць з гісторыяй пабудовы Новага замка і значных падзеях, якія тут адбываліся.

Аб гісторыі Гродзеншчыны распавядаюць экспазіцыі “Старажытныя помнікі Панямоння”, “Гісторыя Гродзеншчыны ў XIX–XX стст.”, “Гродзеншчына ў гады Вялікай Айчыннай вайны”.

Мемарыяльная зала памяці воінаў-інтэрнацыяналістаў прысвечана ўраджэнцам Гродзеншчыны, якія выконвалі інтэрнацыянальны доўг у Афганістане і іншых краінах.

Экспазіцыі “Сакральнае мастацтва”, “Захаваныя каштоўнасці”, “Зброя мінулых стагоддзяў” прадстаўляюць музейныя калекцыі ікон, дэкаратыўна-прыкладнога мастацтва, жывапісу, зброі.

Экспазіцыі “Жывёльны і раслінны свет Гродзеншчыны” і “Дзівосны свет прыроды” знаёмяць з прыродай нашага краю і экзатычнай фаўнай.