З 3 лістапада працуе выстаўка “Асоба і эпоха. Вобраз чалавека ў творчасці мастака”. Да 85-годдзя з дня заснавання Беларускага саюза мастакоў.

Экспазіцыя ўключае больш за 30 жывапісных твораў, выкананыя вядомымі беларускімі аўтарамі, сярод якіх Альгерд Малішэўскі, Уладзімір Вітко, Ірына Малеціна, Пётр Крахалёў, Васіль Ціханенка, Акім Шаўчэнка, Аляксандр Кішчанка, Міхаіл Рагалевіч, Леанід Шчамялёў, Натан Воранаў, Валяр’яна Жолтак, Адольф Гугель і іншыя майстры жывапісу другой паловы ХХ стагоддзя.

Выстаўка з калекцыі Беларускага саюза мастакоў паказвае “гісторыю ў асобах”, яна даносіць да гледача вобраз часу ў партрэтах выдатных людзей мінулых эпох і сучаснасці. Многія карціны будуць упершыню прадстаўлены публіцы.