23.02.2017 г. у 16.00 гадзін у Сенатарскай зале Новага замка ўпершыню гродзенцам прадстаўлены выставачны праект творчага аб’яднання “Студэнцкі цэнтр сучаснага мастацтва «Alla prima» Беларускай дзяржаўнай акадэміі мастацтваў. Выставачны праект “ECHO” прэзентуе вынікі творчага даследавання мастакоў і куратара, аб’яднаных агульнай тэмай.

У рамках выставы экспануюцца жывапісныя і графічныя работы, фотаграфіка, арт-аб’екты і інсталяцыі, выкананыя студэнтамі і выкладчыкамі БДАМ. Мастакі-наватары імкнуцца спасцігнуць сутнасць жыццёвых з’яў, па-філасофску асэнсаваць і абагульніць рэальнасць сённяшняга дня, што дае магчымасць зазірнуць у “заўтра”. Куратарам выставы з’яўляецца Тарас Кучынскі-Паравы – аўтар мастацкіх праектаў у Беларусі і за яе межамі.