Нацыянальны музей Рэспублікі Комі і Гродзенскі дзяржаўны гісторыка-археалагічны музей Рэспублікі Беларусь у фармаце міжмузейнага супрацоўніцтва, якое працягваецца ўжо тры гады, абмяняліся новымі мультымедыйнымі выстаўкамі. Мэтай такіх віртуальных выставак з’яўляецца захаванне і папулярызацыя гісторыка-культурнай спадчыны народаў, развіццё міжмузейнага партнёрства. Выстаўкі ствараюць дыялог культур, дазваляюць захапіцца прыгажосцю народнага майстэрства.

Выстаўка “Моя любовь – кап и сувель”, прысвечаная памяці народнага майстра Расіі Васіля Васільевіча Папова, прадстаўлена на сайце Гродзенскага дзяржаўнага гісторыка-археалагічнага музея.

У сваю чаргу музей Рэспублікі Беларусь прадставіў выстаўку “Ручнікі Прынямоння”.

Выстаўкі даступныя на афіцыйных сайтах двух музеяў – “Ручнікі Прынямоння” і “Моя любовь – кап и сувель”.