5 снежня 2025 года ў Сенатарскай зале Новага замка адбылося адкрыццё персанальнай мастацкай выстаўкі “Альфа – Амега” вядомага расійскага мастака Аляксандра Сяргеевіча Крываноса.

Аляксандр Сяргеевіч з’яўляецца сябрам Санкт-Пецярбургскага саюза мастакоў, працуе выкладчыкам у Санкт-Пецярбургскай акадэміі мастацтваў імя І.Я. Рэпіна.

На экспазіцыі прадстаўлена больш за 50 жывапісных, графічных і скульптурных твораў мастака, у якіх ён звяртаецца да багатай культурнай спадчыны чалавецтва, да сучаснасці і гісторыі. Падчас стварэння сваіх работ майстар натхняўся тэмамі паядынку, саперніцтва ў чалавечым жыцці, спалучэння ўзаемнага прыцягнення і вечнага супрацьстаўлення мужчынскага і жаночага, цывілізацыі і прыроды, Усходу і Захаду.

Выстаўка арганізавана пры падтрымцы Генеральнага консульства Расійскай Федэрацыі ў Гродна.

Экспанаванне працягнецца да 25 студзеня 2026 года.

Кошт уваходных білетаў:

для школьнікаў – 1 рубе.ль 00 капеек;

для студэнтаў і пенсіянераў – 2 рубля 00 капеек;

для астатніх наведвальнікаў – 3 рубля 00 капеек.

Нумар тэлефона: 8 (0152) 71-86-83; +375 33 3250058 (мастацкі аддзел)

Адрас электроннай пошты: info@grodno-museum.by