3 мая ў 16:00 у Сенатарскай зале Гродзенскага дзяржаўнага гісторыка-археалагічнага музея адбудзецца адкрыццё рэспубліканскай выставы “Art-панарама-2019. Маладыя мастакі Беларусі”. Гэта мастацкі праект, які ўпершыню быў рэалізаваны ў 2014 г. Выстава дэманструе разнастайнасць напрамкаў у відах сучаснага мастацтва і знаёміць з новымі імёнамі.

Пяты год выстава прадстаўляе моладзевае мастацтва Беларусі. У гэтым годзе ў выставе прымаюць ўдзел 30 мастакоў з розных гарадоў. Кожны ўдзельнік мае мастацкую адукацыю, многія з’яўляюцца членамі моладзевай секцыі грамадскага аб’яднання “БСМ”, стыпендыятамі спецыяльнага фонду Прэзідэнта Рэспублікі Беларусь па падтрымцы таленавітай моладзі, пераможцамі рэспубліканскіх і міжнародных конкурсаў.

Маладыя аўтары не аб’яднаны агульнай тэмай, яны разважаюць над актуальнымі пытаннямі і выяўляюць сваё светаадчуванне і эстэтычныя погляды ў розных стылістыках і жанрах, з дапамогай разнастайных матэрыялаў і тэхнік. На выставе прадстаўлена панарама відаў выяўленчага мастацтва: жывапіс, графіка, скульптура, арт-аб’екты, інсталяцыі. Многія творы экспануюцца ўпершыню, а некаторыя створаны спецыяльна для праекта “Арт-панарама”.