20 красавіка а 16 гадзіне ў Старым замку адбылося адкрыццё выставы “Made in Grodna. Прамысловыя прадпрыемствы Гродна ў ХІХ – першай палове ХХ стст. ”

Выстава расказвае пра лёсы найбольш знакамітых гродзенскіх фабрык даўніх часоў. Экспануюцца ўнікальныя экспанаты, зробленыя ў Гродне сотні гадоў таму – гэта ігральныя карты Фарбыкі Лапіных, тытунёвыя вырабы фабрыкі Шарашэўскіх, будаўнічыя матэрыялы і многае іншае.

Выстава працуе з 21 красавіка 2018 па 29 кастрычніка 2018. Штодзённа, акрамя панядзелка, з 10.00 да 18.00 (каса – да 17.00) па адрасе: вул. Замкавая,22. Даведкі па тэл.: 74-33-60, 74-52-13.