24 мая 2023 года Гродзенскі гісторыка-археалагічны музей наведалі выхаванцы ДУА “Спецыяльная школа г.Гродна”.
Дзеці ўдзельнічалі ў майстар-класе па гербарызацыі “Захаваем прыгажосць прыроды разам”.
Інклюзіўны праект “Захаваем прыгажосць прыроды разам” быў распрацаваны супрацоўнікамі аддзела прыроды для дзяцей з псіха-фізічнымі адхіленнямі.
У рамках праекта дзецям расказалі аб працэсах стварэння гербарыяў, аб значэнні Чырвонай кнігі РБ, аб відах раслін. На майстар-класе дзеці зрабілі сваімі рукамі віншавальныя паштоўкі з сухіх раслін.
