Купалаўскі тэатр запусціў акцыю на білеты для дзяцей на паказ казкі “Гісторыя шакаладнага дрэва”, паведамілі БЕЛТА ва ўстанове.
Купалаўскі тэатр да Дня абароны дзяцей запусціў акцыю “Лета пачынаецца ў Купалаўскім”. Так, для ўдзелу ў ёй неабходна падпісацца на акаўнт тэатра ў Instagram. Спампаваць акцыйны флаер і прад’явіць яго пры куплі білетаў на паказ казкі “Гісторыя шакаладнага дрэва” 1 чэрвеня. Для ўсіх удзельнікаў акцыі, якія паспелі спампаваць флаер 31 мая да 17.00, білет на паказ абыдзецца Br2.
“Дзеці ў тэатры – самыя доўгачаканыя госці і самыя строгія крытыкі. Яны лепш за ўсіх распазнаюць хлусню і няшчырасць на сцэне. Таму дзіцячыя спектаклі ствараюцца з асаблівай увагай, каб кожны юны тэатрал адчуў дыханне сапраўднай казкі”, – адзначылі ў тэатры.
