Наперадзе ў нас з Омскам вельмі яркія, цікавыя задумы і маштабныя праекты, якія дазволяць людзям нашых краін яшчэ ў большай ступені акунуцца ў вялікую гісторыю і самабытнасць нашых дзяржаў. Такім меркаваннем падзяліўся міністр культуры Анатоль Маркевіч у час правядзення канцэртнай праграмы “Месца сілы ў Омскай вобласці: легенды пяці азёр” у Белдзяржфілармоніі.
“Мне вельмі прыемна сустракаць нашых дарагіх сяброў і братоў расіян на легендарнай сцэне ў час абмену самымі лепшымі напрацоўкамі ў сферы культуры, таму што культура з’яўляецца мостам узаемаразумення паміж людзьмі. Нягледзячы на адлегласць паміж Мінскам і Омскам 3,5 тыс. км, мы вельмі блізкія, і сёння зможам далучыцца да выдатнай шматграннай культуры, якая напоўнена выдатным духам і несумненнай творчасцю. Мы прайшлі слаўны шлях у сумеснай рабоце, але я глыбока ўпэўнены, што наперадзе ў нас вельмі яркія, цікавыя задумы, маштабныя праекты, якія дазволяць людзям нашых краін яшчэ ў большай ступені акунуцца ў вялікую гісторыю і самабытнасць нашых дзяржаў”, – сказаў Анатоль Маркевіч.
