Абласная выстава сучасных мастакоў-канцэптуалістаў “P.S. Памежны стан” адкрылася ў выставачнай зале Брэсцкага абласнога грамадска-культурнага цэнтра.
Другая назва выставы – “Пастскрыптум” – па-свойму таксама канцэптуальная: яе аўтары тым самым нібыта дапаўняюць і адначасова падводзяць рысу ў адыходзячым выставачным годзе. “Гэта выстава – як апошні акорд у 2023 годзе. Ён быў даволі насычаны: адбылося шмат цікавых праектаў, выстаў, з іх тры – рэспубліканскія. Спадзяёмся, што і гэта выстава будзе мець поспех”, – сказала загадчыца выставачнай залы Кацярына Шаўчэнка.
