У Цэнтральным доме афіцэраў адкрылася мастацкая выстава “Айчыне служым”, прысвечаная 20-годдзю Студыі ваенных мастакоў, паведамілі БЕЛТА ў Міністэрстве абароны.

З юбілеем ваенных мастакоў павіншаваў першы намеснік начальніка галоўнага ўпраўлення – начальнік упраўлення маральна-псіхалагічнага забеспячэння галоўнага ўпраўлення ідэалагічнай работы Міністэрства абароны палкоўнік Алег Копыл.

У вернісажы прынялі ўдзел курсанты першага курса ваеннага факультэта БДУ і выхаванцы Мінскага сувораўскага ваеннага вучылішча.