11 лістапада ў Новым замку прайшоў штогадовы Дзіцячы баль “В волшебном блеске маскарада”. Для гасцей мерапрыемства, як для самых маленькіх, так і дарослых, была падрыхтавана свая праграма. Дзеці забаўляліся і танцавалі на балі разам з Каралём і Каралевай, а дарослыя бавілі час на інтэрактыўным квэсце-падарожжы па экспазіцыях Новага замка. Таксама для гасцей працавалі кафейня “Я”, аквагрым, музычны салон, гульнёвая зона ад крамы-клуба “Кубік”. А пасля заканчэння асноўнай часткі балю ўсе жадаючыя маглі сфатаграфавацца на памяць з гістарычнымі і казачнымі персанажамі балю.