Напрыканцы мінулага тыдня супрацоўнікі нашага музея наведалі Ганну Мікалаеўну Лебедзеву, ветэрана Вялікай Айчыннай вайны, удаву Героя Савецкага Саюза Івана Данілавіча Лебедзева (1916-2014). Ганна Мікалаеўна прыняла рашэнне перадаць на вечнае захоўванне ў наш музей узнагароды Івана Данілавіча, у тым ліку Зорку Героя і знак Ганаровага грамадзяніна г. Гродна. Усе ўзнагароды будуць захоўвацца ў нашым музеі і, вядома, экспанавацца на тэматычных выставах. Удзел у перадачы ўзнагарод прымала актывіст Беларускага Чырвонага Крыжа Тэрэза Іосіфаўна Белавусава, якая апякае Ганну Мікалаеўну на валанцёрскіх пачатках.