У Музеі Максіма Багдановіча з 14 красавіка працуе часовая экспазіцыя “Старонкі музейнага летапісу”, прымеркаваная да 40-годдзя Музея Максіма Багдановіча ў Гродне.

Часовая экспазіцыя ўяўляе сабой каштоўны візуальны летапіс, які адлюстроўвае гісторыю станаўлення музея ад моманту яго стварэння ў 1986 годзе.

Цікавасць уяўляюць кнігі з дароўнымі надпісамі гродзенскіх пісьменнікаў. Гэта кніжная спадчына сведчыць пра бесперапынны дыялог пакаленняў, які ператварае музейныя фонды ў сапраўдную скарбніцу духоўнай памяці Прынёманскага краю.

Да ўвагі наведвальнікаў прадстаўлены кнігі:

• “Вянок паэтычнай спадчыны” М. Багдановіча (1960),
• “Загасцінец” Д. Бічэль-Загнетавай (1985),
• “Ключы ад неба” Л. Кебіч (2005),
• “Абярэг” Б. Ермашкевіча (2012).

На фотаздымках – Данута Бічэль-Загнетава з наведвальнікамі ў экспазіцыі (1986), будынак музея падчас рамонту ў 1990-я гг., урачыстае адкрыццё адноўленай экспазіцыі з удзелам народнага паэта Беларусі Ніла Гілевіча, міністра культуры і друку Рэспублікі Беларусь Анатоля Бутэвіча, начальніка ўпраўлення культуры Гродзенскага аблвыканкама Вячаслава Брыкача і іншых гасцей (1994).

Запрашаем на выстаўку!

Кошт – 20 капеек!

Музей працуе з 10.00 да 19.00, каса – да 18.00.

Панядзелак – выхадны.