З 22 снежня  2018 г. у Музеі гісторыі Гарадніцы працуе выстаўка “Жывая гліна”, прысвечаная кераміцы – аднаму з найбольш старажытных і распаўсюджаных відаў народнага мастацтва Беларусі. На выстаўцы прадстаўлены дэкаратыўныя пано, скульптуры, напольныя вазы, дробная пластыка, гліняныя цацкі гродзенскіх майстроў-керамістаў Таццяны Шубінай, Лідзіі Шпектаравай, Арсенія Мартынчука, Веры Генюш і навучэнцаў узорнай студыі мастацкай керамікі “Казачная гліна” пад кіраўніцтвам Святланы Круглаполавай. Таксама дэманструецца посуд гаспадарчага прызначэння з фондаў музея: гаршкі, збанкі, гладышы, глякі, міскі, бабачнікі, рынкі, спарышы, латушкі, вырабленыя на тэрыторыі Панямоння ў канцы ХІХ – сяр. ХХ ст.

У рамках выстаўкі будуць праводзіцца заняткі для вучняў пачатковых класаў. Прэзэнтацыя “Аб чым можа расказаць гліна?”,  тэматычная экскурсія, віктарыны, гульні, інтэрактыўныя заданні дапамогуць вучням пашырыць веды аб гісторыі ганчарнага рамяства на Беларусі.

Выстаўка працуе з 22.12.2018 г. штодзённа (акрамя панядзелка)

з 10.00 да 18.00 па адрасе: вул. Ажэшкі, 37

Музейны занятак для школьнікаў (група 25 чалавек) – 6.00 руб.

Уваходныя білеты для ўсіх катэгорый наведвальнікаў – 30 кап.

Тэлефон для даведак 72 – 16 – 69