19 снежня 2023 г. старшыня праўлення «Балтыйскага геаграфічнага таварыства» Ілгарт Зэйбертс і прадстаўнікі латвійскай асацыяцыі «Рэспубліканскае таварыства ветэранаў» наведалі ўстанову культуры «Гродзенскі дзяржаўны гісторыка-археалагічны музей».

Ілгарт Зэйбертс урачыста перадаў у падарунак музею кнігі. Бібліятэчны фонд музея папоўніўся каштоўнымі выданнямі, сярод якіх трохтомнік: “Кніга памяці. Літва» (Масква, 2019), «Кніга памяці. Эстонія” (Масква, 2019), “Кніга памяці. Латвія» (Масква, 2020).

Выхад у свет “Кнігі памяці” прымеркаваны да 75-годдзя вызвалення народаў Прыбалтыкі ад нямецка-фашысцкіх захопнікаў. У кнізе прадстаўлена інфармацыя аб савецкіх воінскіх пахаваннях. Разам з фотаздымкамі мемарыяльных комплексаў і помнікаў у выданні апублікаваны ваенна-гістарычныя даведкі, карты стратэгічных аперацый па разгроме нямецкіх войскаў, а таксама копіі ўзнагародных дакументаў Герояў Савецкага Саюза.