Пытанні ўзаемадзеяння Саюза пісьменнікаў Беларусі з калегамі з Расіі і іншых краін, тэмы літаратурнага рэагавання на выклікі сучаснасці – гэтыя і многія іншыя напрамкі былі разгледжаны на праведзеным у Мінску 16 снежня пашыраным Пленуме СПБ, паведамляе БЕЛТА.

Размова атрымалася ёмістай і змястоўнай. Былі выступленні лідараў гэтага грамадскага аб’яднання, гасцей, членаў саюза не толькі з прэзентацыяй работы, але і сур’ёзнымі разважаннямі аб тым, што робіць і што ў далейшым можа зрабіць СПБ.

Старшыня СПБ Аляксандр Карлюкевіч у самым пачатку задаў канструктыўную танальнасць, падкрэсліўшы важнасць такіх пашыраных сустрэч, на якіх пісьменніцкая супольнасць не проста падводзіць вынікі работы па нейкай канкрэтнай тэме, але і выбудоўвае стратэгію далейшых дзеянняў. У гэтым кантэксце адбылося і падпісанне пагаднення аб супрацоўніцтве паміж СПБ і Рэспубліканскім дзяржаўна-грамадскім аб’яднаннем “Беларускае таварыства “Веды”, якое прадугледжвае больш цеснае ўзаемадзеянне.

Ганаровы старшыня СПБ, народны пісьменнік Беларусі Мікалай Чаргінец у выступленні вялікую ўвагу ўдзяліў працэсам, якія адбываюцца ў свеце. Народны пісьменнік зрабіў акцэнт на ролі пісьменнікаў у процістаянні спробам адраджэння фашызму, у захаванні гістарычнай памяці. “Настаў час аб’яднаць намаганні пісьменнікаў у няпростай сучаснай барацьбе, якая ідзе на інфармацыйным, літаратурным полі. Мы ведаем, да чаго прыводзіць нацыяналістычная агрэсія. Сёння важна гучнае слова пісьменніка”, – адзначыў Мікалай Чаргінец.

Больш падрабязна можна азнаёміцца па спасылцы БЕЛТА