У Новым замку з 2 па 7 чэрвеня будзе працаваць часовая экспазіцыя “Да 30-годдзя Рэспубліканскага фестывалю нацыянальных культур”!
Для Беларусі гэта культурнае мерапрыемства стала сапраўдным сімвалам адзінства, сяброўства і мірнага суіснавання прадстаўнікоў розных нацыянальнасцей.
На часовай экспазіцыі будуць прадстаўлены ўнікальныя артэфакты з гісторыі фестывалю: рарытэтныя афішы і праграмы, якія адлюстроўваюць эвалюцыю свята, эксклюзіўныя падарункі, прывезеныя дэлегацыямі з розных куткоў свету, а таксама сувенірныя вырабы шклозавода “Нёман”.
