Паважаныя дарослыя! Усе мы калісьці былі дзецьмі і, ні для каго не сакрэт, што ўсім нам часам вельмі хочацца зноў вярнуцца ў дзяцінства. Аказваецца, гэта ня так ужо складана! Дастаткова прыйсці да нас у музей, узяўшы з сабой добры настрой, кемлівасць і фантазію. Квэст, які мы падрыхтавалі для вас, – своеасаблівая гульня ў хованкі па залах музея. Толькі хавацца будзеце не вы, а ад вас! А вам трэба будзе шукаць і знаходзіць разнастайныя мастацкія і гістарычныя каштоўнасці, якія «схаваліся» ў экспазіцыях “Новы замак. Падзеі і лёс”, “Захаваныя каштоўнасці”, “Дзівосны свет прыроды”, “Старадаўні інтэр’ер”, “Зброя мінулых стагоддзяў”.

Дадзены квэст прадугледжвае самастойнае праходжанне заданняў. На стартавым пункце кансультант (супрацоўнік музея) тлумачыць правілы, знаёміць з аб’ектамі, задзейнічанымі ў квэсце. Затым удзельнікі атрымліваюць сшытак з заданнямі і адпраўляюцца па прапанаваным маршруце. Пасля праходжання ўсіх заданняў ўдзельнікі квэста атрымліваюць ключы для магчымасці суаднесці свае адказы з правільнымі.

Працягласць квэста залежыць ад хуткасці выканання заданняў (прыблізна – 1 гадзіна).

Кошт паслугі:

• студэнты, дарослыя – 4 руб.

Даведкі па тэл. 8-0152-71-86-88, +375-29-77-66-588 (МТС), +375-29-614-82-35 (А1).