Максім Багдановіч (1891-1917) – беларускі паэт, празаік, публіцыст, перакладчык, класік і першы інтэлігент у беларускай літаратуры.

У наступным 2021 годзе 9 снежня споўніцца 130 гадоў з дня нараджэння паэта, а 26 мая – 35 гадоў з дня адкрыцця Музея Максіма Багдановіча ў Гродне.

Супрацоўнікі музея плануюць шэраг юбілейных мерапрыемстваў. Падрыхтоўка пачалася з віртуальнага праекта «Гарадзенцы – Багдановічу». У віртуальным праекце будуць прадстаўлены 25 відэаролікаў твораў, напісаных гродзенскімі пісьменнікамі і прысвечаных паэту Максіму Багдановічу.

Першае відэа было зроблена ў Музеі Максіма Багдановіча. Аўтар эсэ «Размова з Максімам» Дзмітрый Радзівончык – намеснік старшыні Гродзенскага абласнога аддзялення Саюза пісьменнікаў Беларусі, паэт, літаратурны крытык, аўтар кніг «Пиррова техника» (2006), «Дым без огня» (2010), «Река безбрежная» (2015) – кніга-пераможца Другога абласнога конкурса рукапісаў імя Цёткі ў намінацыі «Паэзія», аўтар зборніка крытычных эсэ «Навстречу попутному ветру» (2018).

Таксама навіны па тэме глядзіце тут: https://bagdanovichmuseum.by/naviny/155.html