У Гродзенскім дзяржаўным гісторыка-археалагічным музеі адчынілася выстаўка «Волжскія краявіды. Свіяжск: сучаснасць і мінулае». Выстаўка прадастаўлена Дзяржаўным гісторыка-архітэктурным і мастацкмі музеем-запаведнікам «Востраў-град Свіяжск» (Рэспубліка Татарстан).
Ва ўрачыстым адкрыцці выстаўкі прынялі ўдзел:
– Коханава Аксана Мікалаеўна, галоўны спецыяліст упраўлення культуры Гродзенскага абласнога выканаўчага камітэта,
– Мамантаў Гаўрыіл Віктаравіч, консул-саветнік Генеральнага консульства Расійскай Федэрацыі ў Гродне,
– Сяменчанка Юлія Яўгенаўна, кіраўнік Рускага дома ў Гродне,
– Кавалёў Віталь Сяргеевіч, загадчык экспазіцыйна-выставачнага аддзела ДБУК «Дзяржаўны гісторыка-архітэктурны і мастацкі музей-запаведнік «Востраў-град Свіяжск» (Рэспубліка Татарстан),
– Кітурка Юрый Віктаравіч, дырэктар УК «Гродзенскі дзяржаўны гісторыка-археалагічны музей».
Выстаўка прысвечана пейзажна-ландшафтнай фатаграфіі. Сутнасць жанру – імкненне «злавіць у аб’ектыў» прыгажосць прыроды і рукатворных аб’ектаў, паказаць ракурсы іх гарманічнага спалучэння і асаблівыя візуальныя сэнсы. На выстаўцы прадстаўлена больш за дваццаць фатаграфій чатырох вядомых фатографаў-мастакоў Татарстана. Для кожнага з іх Свіяжск стаў адной з галоўных тэм творчасці на доўгія гады. Чорна-белыя здымкі А.Р. Сямёнава, Ю.І. Фралова, Я.А. Канаева прадстаўляюць «стары Свіяжск», востраў у 1980-я – 1990-я гг., а каляровыя фатаграфіі А.У. Багданава адлюстроўваюць сучаснае аблічча адроджанага Свіяжска.
Востраў-град Свіяжск, волжская «жамчужына» з доўгай гісторыяй і няпростым лёсам, быў заснаваны царом Іванам IV Васільевічам (Грозным) у 1551 годзе на ўзгорку-паўвостраве ў вусце ракі Свіягі пры ўпадзенні яе ў Волгу як крэпасць-плацдарм для ўзяцця Казані.
На працягу стагоддзяў Свіяжск здабыў і захаваў сваю ўнікальнасць гістарычнага горада, маляўнічага ландшафтна-прыроднага аб’екта, архітэктурна-мастацкага ансамбля XVI – пачатку XX стст., які ўключае помнікі царкоўна-манастырскай архітэктуры і грамадзянскія збудаванні, рэдкія фрэскі эпохі Івана Грознага і інш.
У 2017 г. найкаштоўнейшы помнік свіяжскай спадчыны – Успенскі сабор і кляштар вострава-града Свіяжск – быў уключаны ў Спіс Сусветнай спадчыны ЮНЕСКА.
Цяперашні Свіяжск гэта: добраўпарадкаваны населены пункт, два дзеючыя кляштары Рускай Праваслаўнай Царквы (мужчынскі Успенскі і жаночы Іаана-Прадцечанскі), Музей-запаведнік «Востраў-град Свіяжск» з 6 музейнымі аб’ектамі, выставачнымі заламі і пляцоўкамі для мерапрыемстваў.
Свіяжск і яго прыроднае асяроддзе прыцягнулі ўвагу фатографаў з канца XIX стагоддзя, але месцам сапраўднага «паломніцтва» фатографаў і мастакоў востраў стаў у другой палове XX – пачатку XXI стст. Творчыя дзеячы шукалі і знаходзілі натхненне ў прыгажосці і велічы захапляльных дух відаў волжска-свіяжскай прыроды, у астраўным жыцці Свіяжска. Краявіды ўзрушаюць уяўленне багаццем нюансаў і незвычайных ракурсаў. Высокія берагі, лугавыя прасторы і лясныя масівы, бязмежныя панарамныя віды нябеснага збору з пералівамі сонечнага святла і велічна ўзвышаюцца над воднай роўняддзю храмы – усё гэта стала аб’ектамі шматлікіх фатаграфічных твораў.
